27.3 C
New York
Friday, July 18, 2025

Buy now

spot_img

शेवगाव- पाथर्डी तालुक्याच्या विकासासाठी निवडणूक लढविणार:हर्षदा काकडे

हर्षदा काकडे यांचा अपक्ष उमेदवारी अर्ज दाखल

दै.नगरशाही शेवगाव प्रतिनिधी/परविन शेख

शेवगाव पाथर्डी तालुक्यातील सर्वसामान्य गोरगरीब जनतेचा आवाज आम्ही आहोत. त्यामुळे माझी उमेदवारी “साखर विरुद्ध भाकर ” अशी राहणार आहे. गोरगरीब, कष्टकरी, शेतकरी यांना न्याय देण्यासाठी व तालुक्याचे विकासासाठी जनतेच्या आशीर्वादाने मी अपक्ष फॉर्म भरत असल्याचे प्रतिपादन शेवगाव पाथर्डी २२२ विधानसभा मतदार संघाच्या उमेदवार मा. जिल्हा परिषद सदस्या सौ. हर्षदा काकडे यांनी केले.
मोठे शक्ती प्रदर्शन करत जि.प. सदस्या सौ हर्षदा काकडे यांनी गुरूपुष्प अमृत या मुहूर्तावर शेवगाव पाथर्डी विधानसभेसाठी अपक्ष निवडणूक लढण्यासाठी फॉर्म भरला. यावेळी मतदार संघातून लोकांनी अभूतपूर्व अशी गर्दी केली होती. यावेळी सौ. हर्षदा काकडे यांना पाठिंबा देण्यासाठी जनता पदर खर्चाने मोटरसायकल, सायकल, एसटी, पायी अशा पद्धतीने प्रचंड संख्येने एकत्र आली होती. यावेळी जमलेल्या समुदाय पाहून अनेकांच्या भुवया उंचावल्या आहेत.

यावेळी सौ. काकडे म्हणाल्या की, प्रत्येकाने आता आपापले मित्र, नातेवाईक, सोयरे यांचेपर्यंत जाऊन भेटा. त्यांना आपल्या कामाची पद्धत सांगा. व विकासाच्या मुद्यावर सोबत राहायला सांगा. कुणी काहीही सांगितले तरी आता निवडणुकीतून माघार नाही. मला या मतदारसंघातील विकासाचा मोठा बॅकलोक भरून काढायचा आहे. मागील लोकप्रतिनिधींनी जनतेच्या विकासाकडे दुर्लक्ष करून स्वतःचे कुटुंबाचा विकास केलेला आहे.

यांच्या घराबाहेर हे सत्ता
जाऊ देत नाहीत. प्रत्येक पक्षात हे जागा धरून बसले आहेत. परंतु आता आमच्याकडे गोरगरीब सर्व समाजातील जनता माझ्याजवळ आहेत व त्यांचे जीवावर या साखर सम्राटांचा पराभव आपण करणार आहोत असेही सौ. हर्षदा काकडे म्हणाल्या.

यावेळी अॅड. शिवाजीराव काकडे, जगन्नाथ गावडे यांचेसह शेवगाव पाथर्डी मतदार संघातील महिला, युवक शेतकरी व सर्वसामान्य जनता हा प्रचंड मोठा जनसमुदाय उपस्थित होता.

Related Articles

ताज्या बातम्या