*जातमुक्त सौंदाळा गावाच्या कार्याचे खासदार वाकचौरे यांच्याकडून कौतुक;
*भेंडे प्रतिनिधी –
सौंदाळा, ता. नेवासा:* शिर्डी लोकसभा मतदारसंघाचे लोकप्रिय खासदार मा. श्री. भाऊसाहेब वाकचौरे यांनी मंगळवार, दि. २६ मे २०२६ रोजी भारतातील पहिले ‘जातमुक्त गाव’ म्हणून विशेष ओळख निर्माण केलेल्या मौजे सौंदाळा गावाला सदिच्छा भेट दिली. यावेळी त्यांनी गावाच्या सामाजिक एकोप्याच्या व विकासाच्या कार्याचे भरभरून कौतुक केले.
*”सौंदाळा गावाचे नाव देशभरात गाजत आहे,”* असे गौरवोद्गार काढत खासदार वाकचौरे म्हणाले, “सामाजिक सलोखा, एकोपा आणि सकारात्मक उपक्रमांमुळे सौंदाळा गावाने संपूर्ण देशासमोर एक नवा आदर्श निर्माण केला आहे. जात-पात विसरून सर्व समाजबांधव एकत्र आल्यामुळेच गावाचा सर्वांगीण विकास शक्य झाला आहे. इतर गावांनीही सौंदाळाचा आदर्श घ्यावा.”
*गावाच्या विकासासाठी भरीव मदत जाहीर:*
गावाच्या विकासाला गती देण्यासाठी खासदार वाकचौरे यांनी यावेळी महत्त्वाच्या घोषणा केल्या.
1. *मल्टीपर्पज हॉल:* सौंदाळा येथे बहुउद्देशीय सभागृह बांधकामासाठी खासदार स्थानिक विकास निधीतून *१० लाख रुपयांचा निधी* तात्काळ मंजूर करण्याची घोषणा केली.
2. *महिला सक्षमीकरण:* गावातील महिला बचत गटांसाठी रोजगारनिर्मितीच्या संधी उपलब्ध करून देण्यासाठी विशेष प्रयत्न करणार असल्याचे सांगितले.
3. *रस्ते विकास:* शेत-पानंद रस्ते, शिवरस्ते तसेच गावांतर्गत रस्त्यांची कामे प्राधान्याने मार्गी लावण्याचे आश्वासन दिले.
4. *इतर मागण्या:* ग्रामस्थांनी मांडलेल्या पाणीपुरवठा, आरोग्य व शिक्षणविषयक विविध मागण्या देखील लवकरच पूर्ण करण्यात येतील, असा शब्द त्यांनी दिला.
यावेळी खासदार वाकचौरे यांनी ग्रामपंचायत कार्यालयाला भेट देऊन गावात राबविण्यात येणाऱ्या विविध शासकीय योजना, स्वच्छ भारत अभियान, जलजीवन मिशन व प्लास्टिक कचरा प्रक्रिया युनिटसारख्या उपक्रमांची सविस्तर माहिती घेतली. गावातील स्वच्छता, 100% हागणदारीमुक्त गाव, वृक्षारोपण व सामाजिक उपक्रमांचे त्यांनी विशेष कौतुक केले.
सरपंच शरदराव आरगडे यांनी गावाच्या वतीने खासदारांचा शाल, श्रीफळ व स्मृतिचिन्ह देऊन सत्कार केला. याप्रसंगी ग्रामस्थांनी खासदारांचे ढोल-ताशांच्या गजरात व फटाक्यांच्या आतषबाजीत उत्स्फूर्त स्वागत केले.
या कार्यक्रमास जेष्ठ नेते कॉ. बाबा आरगडे, उपसरपंच भिवसेन गरड, बाळासाहेब आरगडे, गणेश आरगडे, सचिन अरगडे, भाऊसाहेब आरगडे, मधुकर आरगडे, लक्ष्मण आरगडे. हरिभाऊ आरगडे. बाबासाहेब आरगडे. संजय गोरे. विशाल बोधक. बाबासाहेब बोधक.माजी सरपंच प्रियंका आरगडे मंगल बोधक.मनीषा गरड यांच्यासह गावातील महिला, युवक, ज्येष्ठ नागरिक तसेच महाविकास आघाडीचे पदाधिकारी व कार्यकर्ते मोठ्या संख्येने उपस्थित होते