: दै.नगरशाही नेवासा प्रतिनिधी समीर शेख
नेवासा तालुक्यातील तेलकूडगाव येथील त्रिमूर्ती शैक्षणिक संकुलात 76 वा प्रजासत्ताक दिन उत्साहात संपन्न झाला.
कार्यक्रमाच्या अध्यक्षस्थानी विश्वस्त अण्णा पाटील घाडगे उपस्थित होते.याप्रसंगी व्यासपीठावर विश्वस्त दादासाहेब घाडगे, मच्छिंद्र म्हस्के, लक्ष्मण काळे,सतीश काळे,शरद काळे,बाबुराव काळे,शिवाजी घोडेचोर,सुरेश काळे,हरिश्चंद्र काळे,नामदेव अण्णा घोडेचोर,काकासाहेब काळे,महेश काळे,अशोक काळे,बालकनाथ काळे, सुरेश काळे,भानुमामा गटकळ,म्हातारदेव काळे, काकासाहेब घोडेचोर,भाऊसाहेब शेंडगे, सखाराम काळे,अशोक गोविंद काळे,वसतीगृहातील पालक,ग्रामस्थ आदि मान्यवर मोठ्या संख्येने उपस्थित होते.
प्रभातफेरीने का कार्यक्रमाची सुरुवात झाल्यानंतर विद्यालयाचे सैनिकी प्रशिक्षक मेजर बुटे यांच्या मार्गदर्शनाखाली तेलकूडगाव येथील ग्राम सचिवालय व त्रिमूर्ती शैक्षणिक संकुलात बालसैनिकांनी राष्ट्रध्वजाला परेड संचलनाद्वारे मानवंदना दिली.त्यानंतर कराटे प्रशिक्षक अनिल मिसाळ यांच्या मार्गदर्शनाखाली बालसैनिकांनी विविध काते,कराटे, लाठी-काठीची चित्तथरारक प्रात्यक्षिके दाखवली. विद्यार्थी मनोगतानंतर उपस्थित मान्यवरांच्या हस्ते विद्यालयातील गुणवंत विद्यार्थ्यांचा ट्रॉफी व प्रमाणपत्र देऊन सन्मान करण्यात आला. खाऊ-वाटपाने कार्यक्रमाची सांगता झाली.
सदर कार्यक्रमाचे प्रास्ताविक विद्यालयाच्या प्रशासक मनिषा राऊत यांनी केले तर सूत्रसंचालन अतुल कराड व रेणुका काळे यांनी केले तर आभार विद्यालयाचे प्राचार्य भाऊसाहेब दुधाडे यांनी मानले.
सदर कार्यक्रम यशस्वीतेसाठी तेलकूडगाव संकुलातील सर्व शिक्षक व शिक्षकेत्तर कर्मचाऱ्यांनी परिश्रम घेतले.