कुकाण्यात युवानेते अब्दुलभैय्या शेख यांचा ईद ए मिलन कार्यक्रम उत्साहात… दै.नगरशाही
प्रतिनिधी: समीर शेख
नेवासा तालुक्यातील कुकाणा शहरात रविवार दि.13एप्रिल रोजी युवा नेते अब्दुलभैय्या शेख आणि भैय्या सामाजिक प्रतिष्ठानच्या वतीने सर्व धर्मीय बांधवांसाठी ईद ए मिलन कार्यक्रम आयोजित केला होता. सर्व धर्मीय धर्मगुरूंचा युगपुरुष छत्रपती शिवाजी महाराज यांची प्रतिमा भेट देउन सन्मान करत छत्रपती शिवाजी महाराज यांनी ज्यापद्धतीने अठरा पगड जाती, बारा बलुतेदारांना व सर्व धर्मियांना सोबत घेऊन स्वराज्य स्थापन करुन चालवले तोच आदर्श समोर ठेवून महाराजांचे विचार पुढे घेऊन जाण्यासाठी सर्व धर्मीय बांधवांना एकत्र आणत सामाजिक सलोखा जपण्याचे काम अब्दुलभैय्या आणि भैय्या सामाजिक प्रतिष्ठानच्या सर्व सहकाऱ्यांनी केले.
कुकाणा हे गाव पूर्वीपासून सर्व धर्माच्या एकतेचे प्रतीक आहे, ग्रामदैवत न्यामत बाबांच्या कृपा आशीर्वादाने अब्दुलभैय्या शेख हे देखील हिच परंपरा जपत आहेत. ईद ए मिलन निमित्त भैय्या सामाजिक प्रतिष्ठानच्या वतीने सर्व धर्मीय धर्मगुरूंना आमंत्रित करण्यात आले होते.
यावेळी हभप. ज्ञानेश्वर महाराज तांबे,कृष्णा उगले महाराज, चांगदेव काळे महाराज,पाटेकर महाराज, पास्टर यहोशवा मोहिते, मौलाना इम्रान, मौलाना शमशाद,मौलाना सद्दाम पटेल आदी धर्मगुरूंनी आपले मनोगत यावेळी व्यक्त केले.
ईद ए मिलन या कार्यक्रमासाठी मा.आमदार पांडुरंग अभंग साहेब,किसनराव (पेशवे) गडाख साहेब, ॲड.हिम्मतसिंह देशमुख,राष्ट्रवादी चे तालुकाध्यक्ष अशोकराव मोरे,सरपंच सौ.लताताई अभंग, पोलिस पाटील संघटनेचे अध्यक्ष संतोषजी पवार, अनिलराव माकोने,विलासराव देशमुख, अमोलभाऊ अभंग,सुभाषशेठ चौधरी, कैलासराजे म्हस्के,शिवाजी कानडे,वसंतराव कांगुणे, संदीप लष्करे, राजूभाऊ बागडे,अनिल गर्जे,ईन्नुस नालबंद, जुम्मा पठाण,अंबादास गायकवाड,समीर पठाण,अशोक भूमकर,राजेंद्र गरड,काकासाहेब कावरे,देविदास गरड,अनिल सुसे,नामदेव वाघमोडे, पांडुरंग बरे,बडे गुरुजी,अजित दरवडे, श्रीधर कासार,नजीम सय्यद,चांद शेख,जावेद शेख, कालुभाई सय्यद आदीं बरोबर महीलां भगीनींही उपस्थिती लक्षणीय होती.
यावेळी ईद ए मिलन कार्यक्रमाबरोच सकाळच्या सत्रातही विविध कार्यक्रमांचे आयोजन करण्यात आले होते .छत्रपती शिवाजी महाराज,ज्योतीराव फुले,डॉ. बाबासाहेब आंबेडकर तसेच विविध महापुरुषांची संयुक्त जयंती साजरी करुन सामुहिक अभिवादन करण्यात आले त्याचबरोबर कामगारांचे विविध प्रश्न सोडविण्याचे व सरकारी योजनांचा लाभ मिळवून देण्याबरोबरच अजित पवार राष्ट्रवादी काँग्रेसचे सदस्य नोंदणी अभियानाचेही आयोजन करण्यात आले होते.
याप्रसंगी नेवासा तालुक्यातील लोकशाहीच्या चौथ्या स्तंभांच्या आधारवडांचाही/पत्रकार अनिल गर्जे,कारभारी गरड,सुनिल पंडित,दत्तात्रय भिंगारे,संतोष सोनवणे,संतोष औताडे,अरूण बोधक,समीर शेख बंधुंचाही सन्मान करण्यात आला होता.
पंचक्रोशितील सर्वच क्षेत्रातील मान्यवरांनी सुमधुर संगीताबरोबर शुरखुर्म्याचा आस्वाद घेतला.
कार्यक्रम यशस्वी करण्यासाठी भैय्या सामाजिक प्रतिष्ठानचे इम्तियाज शेख, अभिराज आरगडे,स्वप्नील कचरे,अमोल हांडे, अशपाक इनामदार,रामेश्वर पवार, अनिल कात्रस,सूरज पवार, रेहान शेख प्रतीक बडे, प्रज्वल साबळे आदी सर्व सहकाऱ्यांनी परिश्रम घेतले.
सदर कार्यक्रमाचे संचालन प्रा. शकूर शेख यांनी केले तर सर्व उपस्थितांचे आभार राष्ट्रवादीचे युवानेते अब्दुलभैय्या शेख यांनी मानले.
अब्दुलभैय्या शेख आणि त्यांच्या सर्व सहकाऱ्यांचे या सर्व-धर्मीय बांधवांच्या ईद ए मिलन कार्यक्रम आयोजनाबद्दल विविध स्तरावरून कौतुक होत आहे.